मोहमद अकील बुधबार, साउन २८, २०८२
विराटनगर । सुनसरीको दुहबी नगरपालिका–४, शिव मन्दिर चोकमा निर्माणाधीन घरको सेफ्टी ट्यांकीभित्र दुई जना मजदुर मृत अवस्थामा फेला परेका छन्।
स्थानीय चन्द्रिका रौनियारको घरमा निर्माण कार्य भइरहेका बेला बुधबार बिहान ट्यांकीभित्र दुहबी–२ का करिब ५० वर्षीय श्यामबहादुर तामाङ र ३२ वर्षीय रमेश राईको शव भेटिएको हो।
जिल्ला प्रहरी कार्यालय सुनसरीका प्रवक्ता प्रहरी नायव उपरीक्षक योगराज खतिवडाका अनुसार तामाङ सो घर निर्माणको पेटी ठेकेदार थिए भने राई कामदारको रूपमा कार्यरत थिए।
घटनाबारे विस्तृत अनुसन्धानका लागि फरेन्सिक विज्ञसहितको प्रहरी टोली परिचालन गरिएको छ। मृत्युको कारण प्राविधिक परीक्षणपछि मात्र पुष्टि हुने प्रहरीले जनाएको छ।
यहाँ कमेन्ट गर्नुहोस्