रणभूमी सम्वाददाता आइतबार, भाद्र ०७, २०८२
रौतहट / जिल्लाको गौर–सिरसिया सडकखण्डअन्तर्गत मुडवलबा मोड नजिक शनिबार राति करिब १०:३० बजे स्थानीयले शंकास्पद सुटकेस देखेपछि प्रहरीलाई खबर गरेका थिए। घटनास्थलमा पुगेको प्रहरी टोलीले खोल्दा भित्र महिलाको शव फेला परेको हो।
सुटकेस रसीले बाँधिएको अवस्थामा भेटिएको र प्रारम्भिक अनुमानमा महिलाको हत्या गरी सुटकेसमा राखिएको हुनसक्ने प्रहरीको भनाइ छ। घटनाबारे थप अनुसन्धान भइरहेको जिल्ला प्रहरी कार्यालय रौतहटले जनाएको छ।
यहाँ कमेन्ट गर्नुहोस्