रणभुमी डेस्क बिहिबार, साउन २२, २०८२
बिराटनगर / गायक बिरेन्द्र झा र गायिका करुणा राईको सुमधुर स्वरमा सजिएको नयाँ गीत ‘छोड्नु थियो, छोडी गयौ’ को म्युजिक भिडियो सार्वजनिक गरिएको छ। भावनात्मक गहिराइमा आधारित यो गीतले प्रेम, वियोग र पुनर्मिलनको कथालाई कलात्मक रूपमा प्रस्तुत गरेको छ।
गीतमा कलाकार दिनेश कोइराला र सुस्मिता पाण्डेले सम्वेदनशील अभिनय प्रस्तुत गरेका छन्, जसले गीतका भावनालाई थप जीवन्त बनाएको छ। उनीहरूसँगै आरजे भिलेन, होम्पी र प्रतापको पनि सशक्त उपस्थिति भिडियोमा देख्न सकिन्छ।
शब्द रचना राज सङ्घर्षले गरेका हुन् भने संगीत संयोजन हरुन रसिदको रहेको छ। भिडियोको निर्देशन सन्तोष सरकारले गरेका हुन्, जो यसअघि १२ गाउँ जस्तो सफल चलचित्रको कथा लेखेर चर्चामा आएका थिए। गीतको निर्माता आकाश राजभण्डारी हुन् भने सम्पादन पवनले गरेका छन्।
गीत ‘छोड्नु थियो, छोडी गयौ’ ले केवल प्रेमको सुरिलो अनुभूति मात्र नभई बिछोडपछिको पीडालाई पनि आत्मस्पर्शी ढंगमा प्रस्तुत गर्छ। संगीतको माध्यमबाट दर्शक–श्रोताको हृदयमा गहिरो प्रभाव पार्ने उद्देश्यका साथ सार्वजनिक गरिएको यस गीतले दर्शकबाट सकारात्मक प्रतिक्रिया पाइरहेको छ।
यहाँ कमेन्ट गर्नुहोस्