रणभूमी सम्वाददाता बिहिबार, चैत्र ०५, २०८२
विराटनगर / निर्देशक सञ्जय शाहको निर्देशनमा तयार भएको नयाँ भोजपुरी प्रेम गीत ‘अँखिया के तोहर काजल’ सार्वजनिक भएको छ। २०२६ लक्षित यस गीतमार्फत शाहले प्रेम, भावना र तराई क्षेत्रको प्राकृतिक सौन्दर्यलाई कलात्मक ढंगले प्रस्तुत गरेका छन्।
लामो समयदेखि भिडियो निर्देशन तथा सम्पादन क्षेत्रमा सक्रिय सञ्जय शाहले यस गीतमा निर्देशनसँगै सम्पादनको जिम्मेवारी पनि सम्हालेका छन्। उनको प्रस्तुतिमा ग्रामीण परिवेश, सरल प्रेम कथा र दृश्य सौन्दर्यको सन्तुलित संयोजन देख्न सकिन्छ, जसले दर्शकलाई सहज रूपमा आकर्षित गर्ने विश्वास गरिएको छ।
गीतमा स्वर तथा संगीत सञ्जय कुशवाहाको रहेको छ भने शब्द चन्देश्वर यादव (चन्दु)ले लेखेका हुन्। प्राविधिक रूपमा गीतलाई मजबुत बनाउन रेकर्डिङ, मिक्सिङ र मास्टरिङ मिथिला सिरिजले गरेको छ।
भिडियोमा कृष्ण ठाकुर र श्रुति ठाकुर मुख्य भूमिकामा देखिएका छन्। उनीहरूको अभिनयलाई निर्देशक शाहले प्रभावकारी रूपमा प्रस्तुत गरेका छन्, जसले गीतको भावलाई अझ जीवन्त बनाएको छ।
छायांकन रविन मण्डलले गरेका हुन् भने ड्रोन दृश्यहरू राजु सर्राफले कैद गरेका छन्। लाइट तथा सहायक कार्यमा अनिल महतो, मेकअपमा दिपिका ठाकुर, तथा प्रोडक्सन व्यवस्थापनमा सुदिप महतोको योगदान रहेको छ। साथै, कलर ग्रेडिङ पनि सञ्जय कुशवाहाले नै गरेका छन्।
धनुषा, सिराहा, कमला, उथरैनी, बाबाताल, पोखरिया र आकाशगंगाजस्ता स्थानमा छायांकन गरिएको यो गीतले तराई क्षेत्रको प्राकृतिक सुन्दरतालाई पर्दामा उतारेको छ। निर्देशक शाहले यी स्थानहरूको छनोटमार्फत गीतलाई अझ आकर्षक र मौलिक बनाउने प्रयास गरेका छन्।
सम्पूर्ण निर्माण तथा पोस्ट–प्रोडक्सन कार्य मिथिला सिरिज प्रा.लि.ले गरेको यस गीतले नयाँ पुस्तामाझ राम्रो प्रभाव पार्ने अपेक्षा गरिएको छ। निर्देशक सञ्जय शाहको यो नयाँ प्रस्तुति भोजपुरी संगीत क्षेत्रमा थप चर्चा बटुल्ने विश्वास गरिएको छ।
भिडियो हेर्न तल क्लिक गर्नुहोस्
यहाँ कमेन्ट गर्नुहोस्