१५ चैत्र २०८०, बिहिबार
Tags

भन्सार छली ल्याइएको जाडोको लुगा भन्सार सशस्त्र प्रहरी द्वारा भन्सार दाखिला

रणभूमी बुधबार, मंसिर २९, २०७८

बिराटनगर / मंसिर २८, उखु बारीको बाटो भएर भन्सार छली गरी ल्याउँदै गरेकाे सामान सशस्त्र प्रहरीले पक्राउ गरी भन्सार दाखिला गरेको छ ।

मान्छे नै नहिड्ने सुनसान बाटो भएर अवैध रुपमा भारत बाट भन्सार छली नेपाल ल्याउँदै गरेकाे जाडोको कपडा र जूता सहितको सामानहरु सशस्त्र प्रहरी बल नेपाल बोर्डर आउट पोस्ट दरैयाको टोलीले बरामद गरी भन्सार दाखिला गरेको हो ।

बिओपी दरैया बाट सप्रनी दिल कुमार पन्तको नेतृत्वमा खटेको ७ जना सशस्त्र प्रहरीको मोबाइल गस्ती टोलीले सुनसान बाटोहुँदै बोरामा हाली व्यापारिक प्रयोजनको जाडोको लुगा ताथा जुताहरु टाउकोमा नेपाल ल्याउँदै गरेकाे अवस्थामा तस्करीमा प्रयाेग भएको भरियाहरुलाई लखेट्दा भरियाहरुले सामान छाडी भागेको थियो । बरामद भएको सामानहरुमा उनी टप्स ३८ थान, टप्स ३ सय ३६ थान र सपोर्ट सुज, छालाको जुत्ता ८ जोर रहेको थियो । उक्त सामानहरुको बाजार मूल्य धेरै भएपनि सामान चाँडै निलामी होस भनी भन्सार मूल्याङ्कन १ लाख ११ हजार ६ सय रुपैयाँ गरिएको सशस्त्र प्रहरीले जनाएको छ ।

लामो समयदेखि बन्द रहेको तस्करीको लाईन खुलाउन केही व्यापारीहरूले अहीले सीमावर्ती इलाकामा खटिएको सुरक्षा निकायहरु इलाका प्रहरी कार्यालय रानी, सशस्त्र प्रहरी बल बिओपी रानी, बिओपी दरैयाले अवैध रुपमा हुने भन्सार राजस्व छली, चोरी तस्करी गर्ने हरुलाई निरूत्साहित गर्दै दैनिक अवैध सामानहरु समाउन थालेपछि अवैध काम गर्ने व्यापारीहरुबाट सुरक्षा निकायहरुलाई बदनाम गराउन र तस्करी लाईन खुल्न सहज बनाउन सञ्चारकर्मी, पत्रकारहरुलाई पनि राम्रै प्रलोभन दिने गरेको छ । तस्करी व्यापारीको विरुद्धमा समाचार प्रकाशन प्रसारण गरे पत्रकार पत्रकारहरुलाई सुरक्षा थ्रेट हुनेगरेको छ ।

यहाँ कमेन्ट गर्नुहोस्