रणभूमी डेस्क शुक्रबार, पुष १५, २०७९
विराटनगर / मैथिली भेषभुषा कला र संस्कृति झल्काउने उद्धेश्यसहित निर्माण गरिएको “चौवनिया मुस्कान” शिर्षकको मैथिली गीत युट्युब च्यानलबाट सार्वजनिक भएको छ ।
छिन्नमस्ता फिल्म्सको ब्यानरमा निर्माण भएको यो गीत सोहि फिल्म्सको यूट्युब च्यानलबाट सार्वजनिक भएको हो । देवर भाउजु बीचको परम्परागत हसी मजाक, छेडखानी सम्बन्धलाई चित्रणगरि यो गीत निर्माण गरिएको छ ।
सरोज मण्डलले लेख्नुभएको ‘घोघे तर सँ मारैछियै चौअनिया मुस्कान’ शिर्षकको यो गीतमा संगितकार शैलेन्द्र कुमार विश्वकर्मा रहेका छन् भने रेकर्डिङ एस.एल.मैथिल गरिएको छ ।
त्यसैगरी गीतमा नृत्य निर्देशक संजय साह, श्रृंगार कृष्ण सुवेदी र छायांकन जोसन थापाको रहेको छ । गीतमा सानु माया यादव र राजु पण्डितले स्वर दिएका छन् ।
यो गीतको निर्देशन राजु राजदेव चौधरीले गर्नुभएको छ भने गीतमा निरज चौधरी,माही तनवीर खान र राजदेव चौधरीको अभिनय रहेको छ ।
देवर र भाउजु बिचको परम्परागत छेडखानी युक्त सम्बन्ध झल्काउन यो सांगितिक भिडियो निर्माण गरिएको निर्देशक चौधरीले बताउनुभयो ।
पछिल्लो समय गीत संगीतको नाममा अश्लिलता पस्कने परिपाटिलाई तोड्दै विशुद्ध पारिवारिक सम्बन्ध पस्कने हिसाबले गीत निर्माण गरिएको उहाँले जानकारी दिनुभयो ।
गीत हेर्न यो लिंकमा क्लिक गर्नुहोस्।
यहाँ कमेन्ट गर्नुहोस्