रणभूमी डेस्क बिहिबार, बैशाख २५, २०८२
विराटनगर / विराटनगर महानगरका नगर प्रमुख नागेश कोइरालाले गोरखापत्र भनेको नेपाली पत्रकारिताको अभिभावक भएको बताउनु भएको छ ।
उहाँले गोरखापत्र दैनिक १२५ वर्षमा प्रवेश एवम् गोरखापत्र संस्थानको ६३ ओैं वार्षिकोत्सबको अवसरमा प्रदेश प्रकाशन कार्यालय विराटनगरले आयोजना गरेको कार्यक्रमको उद्घाटन गर्दै यस्तो बताउनु भएको हो ।
अरु अखवारले आफ्नो ब्यावसायिक लक्ष्य र उदेश्य प्राप्तिका लागि समाचार लेख्ने गरेको बताउँदै कोइरालाले गोरखापत्र दैनिकले नागरिक र समाज विकासको बारेमा लेख्ने गरेको बताउनुभयो । नगरप्रमुख कोइरालाले गोरखापत्रले मात्र तीनै तहका सरकारको आवाज,विकास र गतिविधि लेख्ने गरेको चर्चा गर्दै लेखिएको सामग्रीलाई प्रभावकारी वितरणमा जोडदिन आग्रह गर्नुभयो ।गोरखापत्र नेपालीहरूको सम्पति भएको बताउँदै यो सम्पत्तिको संरक्षणको जिम्मेवारी महानगरको पनि भएको उल्लेखख गर्नुभयो । उहाँले घिनाघाट ( झोराहाट सडकबाट संस्थानको कार्यलयसम्म पुग्ने सडक स्तरोन्नतिका लागि आवश्यक सहयोग गर्ने बचन दिनुभयो ।
मोरङ जिल्लाका प्रमुख जिल्ला अधिकारी इन्द्रदेव यादवले गोरखापत्रले आफ्नो प्रकाशनलाई डिजिटलाइट गरेर अझ प्रभावकारी बनाउन आग्रह गर्नुभयो । सरकारी अखवारका आफ्नै समस्या होलान ।तर ,पाठकले त्यो बुझ्दैनन। प्रजिअ यादवले वहुभाषिक पत्रिका र प्रादेशिक रुपमा प्रकाशन गर्नु सरकारी पत्रिकाको दायित्व भएको बताउनु भयो। निजी क्षेत्रले यो काम गर्दैन किनकी उनीहरूको प्रमुख उदेश्य ब्यापार हो ।
नेपाल पत्रकार महासंघ कोशी प्रदेशका उपाध्यक्ष कुमोद अधिकारीले गोरखापत्र दैनिक दक्षिण एशियामा छापा पत्रकारिताको अभिभावक भएको बताउनुभयो ।
कार्यक्रम माथि प्रकाश पार्दै निमित्त कार्यालय प्रमुख राजकुमार गुरुङले विराटनगर कार्यालयले मधेस र कोशी प्रदेशका जिल्लाहरूमा गोरखापत्र वितरण गरिरहेको बताउनुभयो ।सरकारको लगानीमा रहेको पत्रिकालाई नागरिकको पत्रिका बनाउने उदेश्य अनुसार काम गरिरहेको बताउँदै गोरखापत्रको कसैसँग प्रतिस्पर्धा नरहेको बताउनुभयो ।
निमित्त प्रमुख राजकुमार गुरुङको अध्यक्षतामा भएको कार्यक्रममा भौतिक पुर्वाधार विकास कार्यालय विराटनगरका प्रमुख सुशीलकुमार श्रेष्ठ र शहरी विकास कार्यालय विराटनगरका प्रमुख सुरेशप्रसाद साहलाई सम्मान गरिएको थियो ।कार्यक्रम विज्ञापन शाखाका प्रमुख कृष्ण लुइँटेलले सञ्चालन गर्नु भएको थियो ।
यहाँ कमेन्ट गर्नुहोस्