१३ भाद्र २०८२, शनिबार
Tags

फोनिजको २६ औं स्थापना दिवसमा वेबसाइट शुभारम्भ, अर्जुन जम्मेली राई सम्मानित

पवन शाह सोमबार, साउन २६, २०८२

विराटनगर / नेपाल आदिवासी जनजाति पत्रकार महासंघ (फोनिज) को २६ औं स्थापना दिवसको अवसरमा वेबसाइट शुभारम्भ तथा सम्मान कार्यक्रम सम्पन्न भएको छ। विराटनगरमा आयोजित कार्यक्रमको प्रमुख अतिथिका रूपमा विराटनगर महानगरपालिकाका मेयर नागेश कोइरालाले सहभागिता जनाएका थिए।

कार्यक्रमको सुरुवातमा प्रमुख अतिथि मेयर नागेश कोइरालाले फूलको गमलामा पानी हाली कार्यक्रमको उद्घाटन गरे। त्यसपछि उनले क्लिक गरेर फोनिजको नयाँ वेबसाइटको औपचारिक शुभारम्भ गरे।

कार्यक्रमको मुख्य आकर्षणका रूपमा कृष्ण देवान स्मृति पत्रकारिता पुरस्कार प्रदान गरिएको छ। स्वर्गीय कृष्ण देवानकी श्रीमती धनमायाँ देवानले फोनिजका संघीय उपाध्यक्ष अर्जुन जम्मेली राईलाई उक्त पुरस्कार प्रदान गरिन्। यो पुरस्कारसँग ८ हजार १ सय ५ रुपैयाँको पुरस्कार राशि रहेको छ।

कार्यक्रममा अध्यक्ष अनिल श्रेष्ठ, विशिष्ट अतिथि अर्जुन जम्मेली राई, हिमालय दर्शन कलेज प्रमुख भारत सापकोटा, भक्तासेर लिम्बू, सुजाता लिम्बू, प्रहरी निरीक्षक कविन राई लगायतका अतिथिहरूले सहभागिता जनाएका थिए। फोनिजको यो स्थापना दिवसले नेपालका आदिवासी जनजाति पत्रकारहरूको क्षेत्रमा नयाँ मील ढुंगा थप्ने काम गरेको छ।

यहाँ कमेन्ट गर्नुहोस्