पवन शाह मंगलबार, भाद्र ०२, २०८२
रंगेली / जिल्ला मोरङ रंगेली नगरपालिका–५, चाँदनी चोकस्थितमा आज साँझ ६ बजे लागू औषध नियन्त्रण ब्युरोको टोलीले १११ ग्राम २७० मिलिग्राम खैरो हेरोईनसहित दुई भारतीय नागरिक पक्राउ गरेको छ।
पक्राउ पर्नेमा भारत, बिहार, अररिया जिल्ला, थाना सिक्टि, मुरारीपुर वडा नं. १ बस्ने २९ वर्षीय ईम्तियाज अन्सारी र ३१ वर्षीय नुर हसन रहेका छन्। उनीहरू भारतबाट ल्याएको हेरोईन नेपालमा बिक्री गर्ने तयारीमा रहेको प्रारम्भिक सोधपुछबाट खुलेको छ ।
ईम्तियाजले कम्ब्याड ट्राउजरको कम्मर पेटमा सेतो प्लाष्टिकमा लुकाएर हेरोईन बोकिरहेको अवस्थामा नियन्त्रणमा लिइएको थियो। बरामद गरिएको हेरोईन प्लाष्टिकसहित १२१ ग्राम रहेको छ।
उनीहरूलाई थप अनुसन्धान र आवश्यक कारबाहीका लागि ईलाका प्रहरी कार्यालय रंगेलीमा बुझाइएको छ।
यहाँ कमेन्ट गर्नुहोस्