रणभूमी सम्वाददाता आइतबार, भाद्र ०७, २०८२
कैलाली / कैलाली जिल्लाको धनगढी उपमहानगरपालिका–१९ फुलवारी गाउँस्थित एक घरबाट ठूलो मात्रामा चोरीपैठारीको मोबाइल पार्ट्स बरामद गरिएको छ।
सशस्त्र प्रहरी बल नेपाल नं. ३४ गण कैलालीका सुरक्षाकर्मीले विशेष सूचनाको आधारमा गरेको निगरानी तथा चेकजाँच क्रममा घरभित्र लुकाइ–छिपाइ राखिएका करीव ५९ लाख १३ हजार रुपैयाँ बराबरका मोबाइल पार्ट्स बरामद गरेका हुन्। बरामद गरिएको सामान सट्टी भन्सार कार्यालय टिकापुरमा बुझाइएको सशस्त्र प्रहरीले जनाएको छ।
सुरक्षाकर्मीहरूले चोरीपैठारी नियन्त्रणका लागि निगरानीलाई अझ कडा बनाइएको र यस सम्बन्धमा आवश्यक थप अनुसन्धान भइरहेको जानकारी दिएका छन्।
यहाँ कमेन्ट गर्नुहोस्