रणभूमी सम्वाददाता सोमबार, भाद्र ०८, २०८२
काठमाडौं / नेपाल प्रहरी प्रधान कार्यालय साइबर ब्यूरोले विद्युतीय माध्यमको दुरुपयोग गरी ठगी गरेको आरोपमा एक युवकलाई पक्राउ गरेको छ।
ब्यूरोका अनुसार महोत्तरी, जलेश्वर नगरपालिका–७ स्थायी घर भई हाल काठमाडौंमा बस्ने २२ वर्षीय मानस राज शर्मालाई बिहीबार काठमाडौं महानगरपालिका–९, रातोपुलबाट पक्राउ गरिएको हो।
उनले सामाजिक सञ्जालमार्फत प्रलोभनमा पारी, धाकधम्की देखाई ब्ल्याकमेल गरी पटक–पटक बैंकमार्फत रकम ट्रान्सफर गराएको पीडितको उजुरीको आधारमा अनुसन्धान सुरु गरिएको साइबर ब्यूरोले जनाएको छ।
ब्यूरोका प्रवक्ता प्रहरी उपरीक्षक दिपक राज अवस्थीका अनुसार प्रारम्भिक प्राविधिक अनुसन्धान र विश्लेषणपछि शर्मा ठगीमा संलग्न रहेको पुष्टि भएपछि पक्राउ गरिएको हो।
साइबर ठगीसम्बन्धी मुद्दामा शर्मा विरुद्ध काठमाडौं जिल्ला अदालतले पाँच दिनको म्याद थप गरी अनुसन्धानलाई अगाडि बढाइएको ब्यूरोले जनाएको छ।
यहाँ कमेन्ट गर्नुहोस्