१३ भाद्र २०८२, शनिबार
Tags

सशस्त्र प्रहरीद्धारा पक्राउ गरिएको २४० केजी बोईलर कुखुरा रानी गुल्ममा गरियो नष्ट

रणभूमी सम्वाददाता बुधबार, भाद्र १०, २०८२

विराटनगर / सशस्त्र प्रहरी बल, नेपाल प्रस्तावित सीमा सुरक्षा गुल्म रानीको टोलीले भारतबाट अवैध रूपमा नेपालतर्फ ल्याइँदै गरेको बोईलर कुखुरा बरामद गरी नष्ट गरेको छ।

सप्रसनि धरणीधर पोखरेलको कमाण्डमा खटिएको ७ जनाको मोबाइल गस्ती टोलीले मंगलबार करिब २४० केजी (८० वटा) बोईलर कुखुरा बरामद गरेर नष्ट गरेको हो। बरामद गरी नष्ट गरिएको कुखुराको बजार मूल्य अन्दाजी रु. ७२ हजार बराबर हुने अनुमान गरिएको छ।

बरामद कुखुरा पशु क्वारेन्टाईन कार्यालय विराटनगर रानीका वरिष्ठ पशु चिकित्सक विदुर प्रसाद गौतमको निर्देशनमा तथा स्थानीय पत्रकारको रोहबरमा गुल्म परिसरभित्र खाडल खनी विधिवत् रूपमा पुरी नष्ट गरिएको छ।

सशस्त्र प्रहरी बलले अवैध रूपमा भित्र्याइने पशुजन्य वस्तुले स्वास्थ्य जोखिम बढाउने भएकाले निगरानी कडाइ गरिएको जनाएको छ।

यहाँ कमेन्ट गर्नुहोस्